Hoxe é o día da Candeloria e segundo a crenza popular neste día os páxaros casan nas árbores, por iso di o refrán "A partir da Candeloria, ningunha ave voa soa" .
Esta é unha festa de orixe celta que supón o renacer da natureza pola chegada da primavera. Na actualidade é a data escollida para celebrar o Día do Amor en Galiza e seguindo as propostas dos equipos de Normalización e Dinamización Lingüística e Biblioteca do noso colexio decidimos conmemorar este día decíndolle a alguén que o queremos cun poema sobre o mar. Amor para todas e para todos, sen formas definidas!
