25 de Novembro: Día da eliminación da violencia de xénero.Causa para os 365 do ano.

View more presentations
Presentación feita por Mila Lemos, dende o Ceip de Aguiño, moitas grazas!

Eu falo galego.... e ti?

"A Xanela" (2009) Trailer1 from daria on Vimeo.

Moitas caras festeiras coñecidas...

Segue medrando o Proxecto de Innovación:Animals And Feeding

Animals And Feeding

.

O Proxecto de Innovación este curso está ambientado nas lagoas do Complexo Dunar de Corrubedo. A mestra de inglés,Monse, está investigando sobre os animaliños que viven neste escenario.Estudiamos en inglés especies galegas.

Mapas Mundis, Mapas Galeguis.

Este curso dende o Equipo de Innovación en Normalización Lingüística fixemos a proposta de ir situando nun mapa o lugar onde están embarcadas as persoas significativas do noso alumnado. Agradecemos a colaboración das familias que nos informan de como a fala galega pode escoitarse no mundo mundial.

Poema "Dominó". 6º B de Primaria.

Lembrade que temos un proxecto de poesía experimental con outros centro de Galiza: Redeiras.

Diga sim pra mim. (Ilustracións de Leandro Lamas)

Fai sete anos...

QUEREMOS APRENDER GALEGO!

A finais do curso pasado chegaron dez nenos e nenas de distintas partes do mundo. Todos e todas teñen nomes galegos con X e os seus apelidos é a tradución da palabra Serea a distintos idiomas: italiano, alemán, catalán, portugués...Este curso sairán de paseo por Aguiño para aprender cos nenos e as nenas de Educación Infantil e 1º de Primaria a falar en galego, xogando nas súas casas.
Coa colaboración das familias irán anotando as palabras que aprendan nun caderno que medrará ó longo de todo o curso.
Queridos bonecos e bonecas de aqui e acolá! benvidos e benvidas ó colexio, a Aguiño e a nosa Galiza.

Todo o mundo a bailar nas salas de profesorado!

Premio de Innovación da USC polo "Obradoiro de Sensibilización cara a diversidade funcional" no proxecto " Sereas e Heroínas de Sálvora"

Acaban de concederlle un Premio de Innovación da Universidade de Santiago de Compostela a Enma Mayo, a profesora que viu o noso centro o curso pasado para facer o obradoiros de sensibilizacion cara a diversidade funcional incluído no noso proxecto de Innovación en Normalización Lingüística do curso pasado "Sereas e Heroínas de Sálvora", onde sentimos o mar cos cinco sentidos. Este curso estamos deseñando outra intervención nesta liña dentro do novo proxecto "Mar de mulleres asolagadas".

Parabéns e grazas Enma! Parabéns Ceip de Aguiño!

Dende o Equipo de Innovación en N.L animamos ó profesorado, ó alumnado, ás familias...a escoitar e gozar con cancións en portugués.

Samain, Don Cabazolo, As bruxas bruxeiras,...

Samain

View more presentations from calcetin5.

A Asociación Sagres colabora no Proxecto de Innovación en Normalización Lingüística cunha valiosisima recopilación de fotos da xente do mar.

MANS SALGADAS.

Investigando.

Como xa dixemos, o proxecto de Innovación en Normalización xa está en marcha. Neste proxecto están implicados tódolos equipos de dinamización do centro. Dende a biblioteca recomendan distintas obras para que investiguemos sobre o escenario no que se vai a desenvolver o noso proxecto:As Lagoas de Vixán e Carregal.

Poemario experimental: Redeiras.

Este curso seguiremos poemando. Dende o Equipo de Normalización e Dinamización Lingüística do colexio invitamos a outros centros a participar neste proxecto entre centros, na actualidade xa somos 17 os que estamos nesta rede por todo o pais: compartindo, aprendendo uns de outros,...visibilizando "o noso facer e sentir" pola lingua galega,pola lingua de Galiza. O nome do poemario vinculase co proxecto de Innovación en Normalización Lingüística "Mar de mulleres asolagadas".
Blogue de Redeiras.

Proxecto de Innovación en Normalización Lingüística. Curso 2009-2010

(Ilustracións de Leandro Lamas)

“Mar de mulleres asolagadas” é un proxecto de Innovación en Normalización e Dinamización Lingüística deseñado polo profesorado do Ceip de Aguiño, que empezou a trazarse a finais do curso pasado tras valorar moi positivamente o anterior proxecto que impregnou toda a actividade educativa “ Sereas e Heroínas de Sálvora”. Podemos dicir que esta é unha continuidade, xa que no curso pasado focalizamos a nosa atención en feitos reais como foi o afundimento do Santa Isabel e as Heroínas; e nun compoñente fantástico como son as sereas. Este curso seguiremos traballando a temática do mar vinculada á muller.
Anteriormente, no transfondo latexaba a presenza da muller e a reinvindicación de ocupar na historia do pensamento galego o lugar que se merece. Este curso esta aposta reinvindicativa ocupa un primeiro plano, dándolle protagonismo ás mulleres do mar de Aguiño, e por extensión a todas as mulleres que viven no contexto sociocultural galego.
Polo tanto, o noso eixo temático será a muller galega no seu contexto cotiá. Avaliada a acollida da Didáctica da fantasía a través das sereas, decidimos fusionar esta realidade con personaxes mitolóxicas femininas dos medios acuosos que forman parte do maxín colectivo, que tamén responde á necesidade de explicar o mundo e os seus múltiples fenómenos. O curso pasado contextualizamos o proxecto na Illa de Sálvora e este será no Complexo Dunar de Corrubedo, concretamente nas lagoas de Carregal e Vixán onde existe unha cidade asolagada, con diferentes lendas que moldean tamén parte da identidade do noso alumnado. Desta fusión nace o noso proxecto e o seu título, Mar de mulleres asolagadas.

Pola nosa lingua, por nós!

Hoxe Galiza despertou con máis forza e enerxía. Corren ríos de tinta virtual en moitas páxinas e nos blogues dos centros educativos falando da manifestación de onte en Santiago de Compostela. Pais, nais, avós, avoas...xente de tódalas cores, porque o GALEGO, é de todos e de todas!

Blogue da Coordinadora do Barbanza de equipos de dinamización e normalización Lingüística.

Queremos a nosa lingua! Queremos galego!

Blogue da coordinadora de Equipos de Normalización da Barbanza.

Bo verán!

Galego, portugués, castelán, inglés, francés, catalán, alemán…o universo é un puzzle!, e nós, as galegas e os galegos, afortunadamente, formamos parte do planeta terra cunha lingua propia, isto chámase ter moita sorte! E ademáis gústanos coñecer outras pezas do puzzle e decirlle ó mundo que nos tamén temos unha coa que podemos encaixar.

Cando chega o final de curso é hora de facer balance e avaliar todo o traballo feito durante o ano. O equipo de Normalización e Dinamización Lingüística traballou durante todo este tempo polo uso e a valoración do galego. O curso pasado empezamos a facer un estudo sociolingüístico a nivel de toda a Barbanza onde se pon en manifesto a sombra da desgaleguización que está sufrindo a nosa comarca. Obsérvase como curso a curso vaise perdendo galego/as falantes. É preciso facer un alto no camiño e ser autocríticos e autocríticas buscando responsabilidades para frear este proceso que nos resta riqueza e identidade como galegas e galegos: Medios de comunicación? Administración? Profesorado? Familias? Entre todas e todos vestimos os nosos nenos e nenas, polo tanto o espazo de reflexión ten que partir dende o embigo de cada quen, todas e todos tecemos as súas vestimentas. Se nós, como adultos e adultas, falamos en galego, eles e elas falarán en galego! Se nos valoramos o galego, eles e elas valorarán a súa lingua! Se nos mimamos cada palabra, cada expresión…cada son en galego, eles e elas construirán un presente e un futuro de prestixio e dignidade, unha Galiza onde o galego poida sobrevivir e medrar ca enerxia que se merece. Enerxía que logo se reinvertirá en aprender novas linguas e respetar outras culturas que tamén lle farán medrar como persoas respetando a diversidade, a pluralidade,...deixemos que os nosos nenos e nenas teñan o dereito a ser irrepetibles, únicos e insustituibles, como as pezas dun puzzle de cores.
Nesta liña o Equipo de Normalización e Dinamización Língüística desenvolveu un amplo abanico de propostas, buscando dar cobertura e implicando o maior número de axentes educativos na súa programación.Entre outras actividades podemos salientar:
- Investigación trimestral co material aportado polas familias: alcumes, sobre Sálvora e receitas mariñeiras.
- Colaboracións cos distintos Equipos de Dinamiación e titorías: biblioconcurso e poemario visual con centros de toda Galicia coordinado con Biblioteca; Dotación de recursos bibliográficos para o Equipo de Medio Ambiente, Educación Física, contos para as aulas de Educación Infantil, Revista co Equipo de Tic, Bonecos interculturais para Educación Infantil…
- Organización do correlingua.
- Autocolantes.
- Día da Candeloria.
- Colaboración coa Coordinadora de Equipos de Normalización e Dinamización Lingüística do Barbanza (onde participan colexios de Rianxo, Pobra, Boiro e Ribeira), algunhas das cousas que se fixeron este curso foron: folleto de recomendación de lecturas para o Nadal, correlingua…
Seguiremos traballando para que as nosas nenas e os nosos nenos teñan o dereito a seguir medrando na súa lingua.

No puzzle de cores do universo, Aguiño encaixa!

BO VERÁN!