segunda-feira, 30 de março de 2009

O Ceip de Aguiño no Rexurdimento da nosa lingua a través dos blogues.


Vídeo realizado polo IES Pobra do Caramiñal.

sábado, 28 de março de 2009

Poemario visual: Poemas do Ceip de Pazos (Ferrol) e do Ceip de Quintela (Moaña)



Podedes visitar os blogues dos nosos colexios amigos e compañeiros neste poemario visual para ver máis cousiñas que fan dentro dun proxecto sobre China (Moaña) e un proxecto sobre "Sacapenas-Gaza"(Ferrol).
(1) Ceip de Pazos.
(2) Ceip de Quintela.

Mariñeiras de terra.



"Lonxe". Poema de Lorenzo Varela.
Fotos de Marisa. Nai de Mariví, Ana e Lucía. Presidenta da ANPA.
O noso agradecemento dende o Equipo de Innovación en Normalización a tódalas Redeiras de Aguiño.

sexta-feira, 27 de março de 2009

Memoria de muller: Loita pola ría.

Poema visual de 4 anos B: Dunas de Corrubedo.

Argazo.

sábado, 21 de março de 2009

Maxicamente vello,eternamente novo...



O idioma é a chave
coa que abrimos o mundo:
o salouco máis feble,
o pensar máis profundo.

O idioma é a vida,
o coitelo da dor,
o marmurio do vento,
a palabra de amor.

O idioma é o tempo,
é a voz dos avós
e ese breve ronsel
que deixaremos nós.

O idioma é un herdo,
patrimonio do pobo,
maxicamente vello,
eternamente novo.

O idioma é a patria,
a esencia máis nosa,
a creación común
meirande e poderosa.

O idioma é a forza
que nos xungue e sostén.
Se perdemos a fala
non seremos ninguén!

O idioma é o amor,
o latexo, a verdade,
a fonte da que agroma
a máis forte irmandade.

Renunciar ao idioma
é ser mudo e morrer.
precisamos a lingua
se queremos vencer!

A fala - Manuel María

21 de Marzo: Día da poesia, voz os sentimentos.


O teito é de pedra.
De pedra son os muros
i as tebras.
De pedra o chan
i as reixas.
As portas,
as cadeas,
o aire,
as fenestras,
as olladas,
son de pedra.
Os corazós dos homes
que ao lonxe espreitan,
feitos están
tamén
de pedra.
I eu, morrendo
nesta longa noite
de pedra.
CELSO EMILIO FERREIRO.
(1)Longa noite de pedra.

sexta-feira, 20 de março de 2009

O mar do medievo en 5º de Primaria-



¡Ai ondas!, eu vin ver
se me saberedes dicer
¿por que tarda tanto en vir onda min o meu amigo?
¡Ai ondas!, eu vin mirar
se me saberedes contar
¿por que tarda tanto en vir onda min o meu amigo?

MARTÍN CODAX.

(1)Podedes escoitar cantigas musicadas e outros poemas galegos.

quinta-feira, 12 de março de 2009

Poesía visual da clase de 5 anos do Ceip de Aguiño.Poema de Catoira e de Ribadavia de Educación Infantil.


Remos-pinceis.




Mariñeiro
-poeta das ágoas-
o teu remo bravo e lanzal
escribiu unha estrofa na ría
para un canto de libertá.
(Amado Carballo)






Isto é unha maqueta ou é a illa real de Sálvora?











Ecos de cantigas.


O mar tamén ten sombras...

terça-feira, 10 de março de 2009

Peixes, peixiños...

domingo, 8 de março de 2009

Día da muller Traballadora.



As veces é preciso facer un alto no camiño para coller alento. Hoxe facémolo para lembrar a necesidade de visibilizar e recoñecer o traballo das nosa mulleres:avoas,nais,amas de casa,camioneiras,mariscadoras...

Onde co teu canto, o imposible
camiño da morte?
Onde enmudecen as sereas
e a miña vida comeza a ser vida.
(Pilar Blanco).

O deseño do autocolante é a partir dun debuxo do artista/escritor Luis Seoane(1) e reinventado pola Asociación Manisdixital(2) que colabora co colexio no proxecto de Innovación en Normalización, apostamos polo deseño galego en galego!.
(1)Luis Seoane.
(2)Manisdixital.

Difundindo o noso proxecto de Innovación en Normalización Lingüística.



(Imaxes: Membros da Asociación Tadega traballando en distintos proxectos).
Dentro do noso proxecto de "Heroínas e sereas de Sálvora" estamos preprando uns obradoiros de Sensibilización cara a diversidade funcional, no que o galego tamén estará presente nas distintas linguaxes alternativas: braille...para isto contaremos cunha compañeira da Asociación Tadega(1), Enma Mayo, que virá no terciro trimestre...e non adiantamos máis porque é sorpresa! Esta fin de semana a Asociación Tadega recibiu as nosas pegatinas ca serea de Castelao.
(1)Tadega.

Saía a serea con saia de mar....



Saía a serea
con saia de mar.
Saía a serea,
cantando un cantar.

Saía a serea
con saia salgada,
cabelos de noite
e escama dourada.

Saía a serea
dun fondo castelo,
levaba unha cuncha
prendida do pelo.

(Ana María Fernández).

Pinochio navega pola ría...


O noso amiguiño Pinochio vai navegando pola ría ca súa dorniña. Leva un caderno de ideas, unha cámara de fotos, uns prismáticos e un libro de poesía, hoxe ensínanos como sinte a Illa de Sálvora cun poema de Ana María Fernández.

As cores do mar de Aguiño.






Pouco a pouco o mar trae as súas infinitas cores para as paredes do colexio. Por unha banda o Equipo de Educación Artística (1) está facendo co alumnado de Primaria un mural cunha obra do xenial artista brasileiro Romero Britto. E pola outra o Equipo de Infantil está recollendo debuxos do alumnado das aulas de Infantil e plasmándoos na parede en grandes dimensións.
(1)Educación Artística do Ceip de Aguiño.

quarta-feira, 4 de março de 2009

terça-feira, 3 de março de 2009

O Equipo de Medio Ambiente prepara unha presentación sobre a nosa ría e a Illa de Sálvora.

Para realizar este traballo, consultamos a seguinte bibliografía:-"Parque nacional das illas atlánticas de Galicia".Consellería de Medio Ambiente._"Sálvora: Memoria dun naufraxio" de Xosé Mª Fernández Pazos._"Visitas didacticas a ría de Arousa". Consellería de Pesca.-"A xente da Ría" de Xosé Antonio Ventoso Mariño.

Estudiamos a Illa de Sálvora.

domingo, 1 de março de 2009