«Amada dos vellos deuses, mortos e esquecidos xa, que Sálvora lle chamaron, afeitos nela a atopar repouso doce e tranquilo de celestiais afáns».
Na noite estrelecida. Ramón Cabanillas.
Onde a terra acaba e o mar começa.
No curso 2008-2009 o Ceip de Aguiño desenvolveu un proxecto de Innovación en Normalización Lingüística: "Sereas e Heroínas de Sálvora: Sereas e Heroínas galegas ". No curso 2009-2010 "Mar de Mulleres Asolagadas".
Este curso embarcámonos no proxecto "Onde a terra acaba e o mar começa".
Na clase de 2ºB da mestra Gloria, teñen un compañeiro moi especial que empezou a vir ó noso colexio o curso pasado. Chámase Pinochio e este ano preséntanos a todos as súas amigas e amigos, que son xoguetiños que lle van traendo as nenas e os nenos. Pinochio é moi presumido e sempre se está cambiando de roupa. Mirade o seu armario!.